Adrian Salinero

Pianista, Korrepetidorea, Zuzendari Musikala, Errepertorista

Ancla 1

Ancla 2

Adrian Salinero Londresen bizi den euskal pianista da, korrepetidore, ahots errepertorista, musika-zuzendari eta piano-irakasle lanetan ari dena. Bere azken opera-proiektuak honakoak dira: Simon Boccanegra (Verdii) Grange Park Operarekin, L’Elisir d’Amore (Donizetti) eta The Rape of Lucretia (Britten) English Touring Operarekin, Acis and Galatea (Handel) Opera Holland Parkekin, Two Widows (Smetana) Birmingham Opera Companyrekin, Masque of Vengeance (Edward Lambert, mundu estreinaldia) eta The Duchess of Padua (Edward Lambert, mundu estreinaldia). Gainera, Adrian St Paul's Operaren L’Elisir d’Amore eta Little Red Riding Hood (Cesar Cui) proiektuen musika zuzendaria izan da.

2026an, Adrian Thames Opera Company taldean Musika Zuzendariaren Laguntzaile gisa lanean hasiko da eta Bilbo bere jaioterrian debuta egingo du, Calixto Bieitoren Shostakovitch 14. Sinfonia proiektuan Arriaga Antzokian.

National Opera Studioko 2022/2023 gazte artista izan zenean, Welsh National Opera, Opera North, Scottish Opera eta English National Operarekin proiektuak egin zituen eta bere lehen Wigmore Hall emanaldia eman zuen.

Informazio gehiago

Piano Errepertorista

Urtetan kantu-ikasgaietan eta coachingetan bai National Opera Studioan bai bere ikasketetan zehar jo ondoren, Adrianek belarri zorrotza eta abeslariak laguntzeko pasio handia garatu du. Errepertorio estandarraren ezagutza sakona du, eta horri esker, abeslariekin piezen interpretazioan lan egin dezake. Halaber, pasio handia du abeslariekin pieza berriak aurkitzeko eta horiek sakonki ulertu arte lantzeko, interpretazio onena lortzeko beharrezkoa den mailara iritsi arte.

Piano Irakaskuntza

2015etik, Adrianek adin eta maila guztietako ikasleak izan ditu. Pianoa ezagutzak partekatzeko zaletasunaz gain, Adrianek uste du irakaskuntzak bere piano teknika fresko mantentzen duela eta bere musika ideiak argiago azaltzen ikasten laguntzen diola.